By Christian Dee
MAYNILA – Nitong Sabado at Linggo, Nobyemre 12 at 13, magkasunod na namatay ang dalawang rider ng motorsiklo sa magkahiwalay na aksidente sa Batangas, ayon sa ulat ng pulisya.
Sabado nang binawian ng buhay si Romeo Villanueva, 42 taong gulang, matapos na aksidenteng mabangga ng isang truck na minamaneho ni Reynaldo Lirag ang motorsiklo ng biktima sa bayan ng Calaca.
Naganap ang insidente sa kahabaan ng Barangay Lumbang Calzada, mga alas-6:40 ng umaga.
Matindi ang sinapit na pinsala sa katawan ni Villanueva at namatay habang dinadala sa ospital sa nasabing lugar.
Nitong Linggo naman, nawalan ng kontrol ang sinasakyang motorsiklo ni Theresa Galingan, 48 taong gulang dulot ng mga lubak sa kalsada habang nakikipag-usap sa isang kalsada sa bahagi ng Biliran, Nasugbu.
Ayon sa ulat, mga alas-1:20 ng umaga naganap ang nasabing kasunod na aksidente matapos mabangga ito sa isa pang motorsiklo.
Sugatan ang sinapit ng parehong nagmamaneho ng motorsiklo at dinala sa pinakamalapit na ospital ngunit binawian din ng buhay si Galingan dahil sa natamo nitong malubhang pinsala sa ulo at katawan.