Aduna na usab 26 ka bag-ong kaso sa Delta variant nga nakit-an sa Region-7, matud pa sa Regional Epidemiology Surveillance Unit-Department of Health-7.
Matud pa ni RESU-7 chief Dr. Eugenia Mercedes Cañal nga ang mayoriya sa 26 ka bag-ong kaso sa Delta variant, 16 niini nakita sa Cebu Island diin 13 naa sa Cebu City, duha sa Cebu Province ug usa sa Mandaue City.
Adunay upat ka kaso nga nakita sa probinsiya sa Bohol ug laing upat sa probinsiya sa Negros Oriental.
Samtang adunay nakita nga duha ka kaso gikan sa Returning Overseas Filipinos nga nag positibo sa Delta variant apan gi-kwarintina na kini sa National Capital Region sa wala pa kini tugti nga mouli sa Region-7.
Ang kadtong nagpositibo sa Delta variant gipangswab kini pag Hulyo 9, 2021 hangtud Agosto 9, 2021.
Aduna nay gipahigayon nga contract tracing ang mga local government unit diin nakita ang bag-ong kaso sa Delta variant.