By Frances Pio
––
Pumalo na sa 269 ang mga bagong kaso ng COVID-19 na naitala sa rehiyon ng Ilocos sa pagitan ng Hulyo 10 at 16, sinabi ng Department of Health (DOH) nitong Lunes.
Umabot na ang daily average cases sa 38, na nagpapahiwatig ng 64-porsiyento na pagtaas kumpara sa nakaraang linggo, na nakapagtala lamang ng daily average na 23 cases.
Sa 269 na bagong kaso, hindi bababa sa tatlo ang naiulat na severe o critical.
Ang DOH ay nagtala din ng hindi bababa sa isang pagkamatay dahil sa COVID-19 sa parehong panahon.
Noong Hulyo 16, ang health care utilization rate sa rehiyon ay nananatili sa “safe” level, na may 16 porsiyento, o 38 sa 231 intensive care unit (ICU) beds ang nakatuon sa mga pasyente ng COVID-19, na okupado na.
Idinagdag ng DOH na hindi bababa sa 16 porsiyento, o 246 sa 1,549 na non-ICU beds, ang okupado rin.