Aduna nay 385 ka kandidato sa Cebu nga nisang-at sa ilang certificate of candidacy sukad Oktubre 1 hangtud Oktubre 5, 2021, matud pa sa Commission on Elections-Cebu Province.
Sa 385 adunay 293 ang buot modagan isip miyembro sa Sangguniang Panlungsod/Sangguniang Bayan, 40 buot mag mayor, 37 buot mag bise mayor, napulo isip miyembro sa Provincial Board ug and lima para kongresista.
Samtang wala pay nisang-at og COC isip pagka gobernador ug bise gobernador.
Apan ang kampo ni gubernational aspirant Ace Durano ug iyang runningmate nga si incumbent Cebu Vice Governor Hilario “Junjun” Davide III nagpahibalo na nga sa Oktubre 7 na sila mosang-at sa ilang COC.
Si Cebu Governor Gwendolyn Garcia nga buot magpapili og usab sa maong posisyon wala pa ni anunsiyo kung kanus- siya mosang-at sa iyang COC samtang wala pa sad nasayran kung kinsa iyang mahimong runningmate