By Frances Pio
––
Inanunsyo ng Korte Suprema nitong Lunes ang pagpapalawig ng deadline para sa paghahain ng aplikasyon para sa pagkuha ng 2022 Bar examination mula Hulyo 15 hanggang Agosto 15.
Sa ilalim ng Bar Bulletin No. 4 na nilagdaan ni 2022 Bar Examinations Chair Associate Justice Alfredo Benjamin Caguioa, ang pagsasaayos ay ginawa matapos ipaalam sa sa iba’t ibang mga law school para sa pagtugma sa iba’t ibang academic calendar.
“Some law schools will close their academic year later than others and later than the close of the original application period,” ayon sa nakasaad sa Bar Bulletin.
“In order to give all interested law graduates ample time to prepare and submit their documentary requirements, while still ensuring that the different offices of the Supreme Court will have enough time to process and verify the adequacy of the applications to be received, the application period is hereby extended to August 15, 2022,” sinabi ng Supreme Court.
Ang mga aplikasyon para sa 2022 Bar examination ay sa pamamagitan din ng Bar Personalized Login Unified System o Bar PLUS. Ito ang parehong sistemang ginamit sa panahon ng 2020/21 Bar examination bilang bahagi ng hakbang ng Korte Suprema sa pag-digitized at localized na Bar examination.
Nakatadang isagawa ang Bar examination sa orihinal nitong iskedyul sa Nobyembre. Gayunpaman, ang eksaktong petsa ay iaanunsyo mamaya sa isang Bar Bulletin.