By: April Therese Tan
Ang Bureau of Customs-Port of Cebu nakasakmit og P1.5 milyones nga chlorine nga nagkantidad og P1,479,915.70.
Base sa eksaminasyon nga gipahigayon sa BOC personel, ang maong eksaminasyon nasuta nga adunay 21,577 ka kilo nga “chlorine”, kini sukwahi sa deklarasyon sa maong kargamento nga calcium carbonate ang sulod niini.
Ang maong deklarasyon moresulta unta sa alkansi nga P199,241.06 sa duties ug taxes alang sa gobyerno.
Ang ilang mensahe nga gibutang sa ilang Facebook post, si BOC Cebu District Collector Charlito Martin R. Mendoza niluwat gyud dayon og Warrant of Seizure and Detention batok sa maong kargamento human nasuta nga adunay igong kapasikaran sa maong misdeclaration nga nisupak kini sa Section 1113 (F), (I), ug (L-3, 4, & 5) iig Section 1400 sa Customs Modernization and Tariff Act.
Ubos sa liderato ni Commissioner Yogi Filemon L. Ruiz, ang Port of Cebu nagpadayon sa ilang pasalig aron sa paghunong sa smuggling sa mga importer pinaagi sa paglikay sa pagbayad sa saktong buhis alang sa ilang importasyon.