By: April Therese Tan
Si Cebu Fifth District Representative Vincent Franco “Duke” Frasco nanguna sa paghatag og cash nga ayuda ngadto sa 605 ka benepisyaryo sa Danao City.
Ang 605 ka benepisyaryo nakadawat og P10,000 matag usa o nagkantidad tanan og P6,050,000.
Ang mga benepisyaryo kay mga tindera sa maong merkado kinsang mga stall naapil sa dakong sunog pag Hunyo 2, 2022.
“Grabe among kalipay sa gihatag na ayuda ni Congressman Duke kay dako na kaayo ning tabang para sa among pagpabarog balik sa among negosyo”, matud pa sa usa ka benepisyaryo.
Adunay gibana bana nga P52.2 milyones nga danyos sa maong sunog.
Matud pa sa fire investigator, 80 porsiyento sa mga stalls sa maong merkado ang nalakip ss maong sunog.