Share:

By: April Therese Tan

Isip kabahin sa pagsulbad sa problema sa  “floating cottages” sa lungsod sa Cordova, si Cebu Governor Gwendolyn Garcia makigtagbo sa mga operators ug kadtong namuyo duol sa docking sites, ug aron pud masalbar ang turismo sa maong lungsod.

Mao kini ang kalambuan, samtang si Garcia nagdili na sa pagtukod og mga ilegal nga istruktura sama sa floating ug fixed cottages, sulod sa foreshore area, mangrove zone, public beach zone, ug municipal fishing zones sa maong lungsod.

Sa iyang giluwatan nga  Executive Order 19 pag Agosto 9, 2022, gidid-an na usab sa  gobernador ang mga tag-iya o operators sa mga pump boat sa pagdala og mga materyales ngadto sa floating cottages.

Matud pa sa Sugbo News, ang opisyal nga Facebook page sa kagamhanan sa Cebu Province nagkanayon nga mangilabot ang gobernadora sa maong problema aron sa pagtubag sa seryoso nga environmental concern sa maong lungsod tungod sa pagdaghan sa floating cottages nga nag operate nga walay permit ug saktong regulasyon.

Si Garcia nagpatawag og miting sa mga hingtungdan nga mga ahensiya ss gobyerno aron matabangan ang turismo sa Cordova nga iyang gihulangway nga “marine disaster in waiting.”

“We need your help and Marina (Maritime Industry Authority). This is a time that we all collaborate forces because we are trying to preserve the waters of Cordova so it can continue to be a tourist destination. The way this is going in about a matter of time, this will practically be killing the goose that lays the golden egg. This is also a marine disaster waiting. If the fish are affected, wala na rin ang primary means of livelihood,” Isplikar pa sa gobernadora. 

Ang pagpangilabot ni Garcia sa maong problema nahitabo human nangayo og tabang kaniya si Cordova Mayor Cesar “Didoy” Suan kabahin sa mga ilegal nga floating cottages sa maong lungsod.

Matud pa ni Suan nga niabot na ngadto sa 300 ang mga floating cottages.

Leave a Reply