Share:

By Jim Lloyd Dongiapon
––
Giklaro sa Commission on Elections (COMELEC) nga wala pa niini napinalisa ang schedule alang sa special elections nga ipahigayon sa 14 ka mga barangay sa Tubaran, Binidayan, ug Butig, Lanao del Sur.

Sumala ni COMELEC Commissioner George Garcia said karong Biyernes, Mayo 13, nga kinahanglan usa mapasalig ang seguridad ayha ipahigayon ang special polls sa mga dapit diin gideklara ang failure of elections gumikan sa mga hulga sa kagubot ug panenorismo.

Gihambin usab ni Garcia nga nagapadahigayon ang hot pursuit operations batok sa mga nangawat sa mga balota ug sa mga nahimong hinungdan sa kagubot niadtong Lunes.

Ang special elections, subay sa rekomendasyon ni COMELEC Deputy Director Executive for Operations Teopisto Elnas Jr., unang gi-schedule niadtong Mayo 12 (Miyerkules) alang sa 12 ka mga barangay sa Tubaran, ug karong Mayo 15 (Dominggo), alang sa matag apektadong barangay sa Binidayan ug Butig.

Kinatibuk-ang 8,295 ka mga rehistradong botante ang apektado sa nasangpit nga mga lugar tungod sa deklarasyon sa failure of elections.

Matud ni COMELEC Spokesperson John Rex Laudiangco, mugahin sila og 1,374 newly printed ballots aron ipuli sa mga gikawat o di kaha mga nangagubang balota.

Sumala sa mga taho, pakyas nga mabakwi sa Armed Forces of the Philippines (AFP) ang kinatibuk-ang 798 nga gipangkawat nga mga balota nga alang unta sa upat ka clustered precincts sa Barangay Radayan, Butig.

Ubay-ubay ka vote counting machines (VCMs) ug 576 ka mga balota nga gi-alokar alang sa tulo ka clustered precincts sa Barangay Pindolonan, Binidayan ang nangaguba tungod sa election-related violence.

Sa pikas bahin, ang VCMs ug mga balota sa mga apektadong barangay sa Tubaran ang nagpabiling wala natarog bisan pa man dunay mga hulga sa kagubot ug pagpanghadlok.

Dugang pa ni Laudiangco, naka-standby na ang security forces ug mga personahe sa COMELEC alang sa mobilisasyon sa mga election paraphernalia.

Leave a Reply