Ang Visayas COVID-19 Vaccination Operation Center nitaho nga naghinubra sa COVID-19 vaccines ang Cebu tungod sa padayon nga pag-ubos sa mga Cebuanos nga buot magpabakuna.
“Marami po tayong bakuna. We have ample supply, we have enough supply and more than enough supply of vaccines. Hindi po pwede ang dahilan na kulang ang bakuna para sabihin na hindi natin ma attain ang ating target na population na dapat mabakunahan,” matud pa ni Dr. Mary Jean Loreche, ang tigpamaba sa VVOC sa iyang matag adlaw nga briefing karong adlawa, Setyembre 24, 2021.
Sa pagkakaron, ang Metro Cebu adunay imbentaryo nga 30,428 doses alang sa first dose ug 173,082 doses alang sa second dose.
“Ngayon kung sakali hindi natin kayang yan na ipatakbo yung ang ating mga bakuna, ang mangyayari po sa susunod na deliveries pag may dumating sa national government instead na magkaroon nang allocation for Cebu, ang mangyayari ibigay muna sa ibang region na nangangailangan nang bakuna na mas mabilis magbakuna,” dugang pa ni Loreche, kinsa mao usab ang chief pathologist sa Department of Health-7.
Matud pa ni Loreche, ang direktiba sa nasyonal nga kagamhanan nga ang Cebu usa gayud sa mga prioridad nga mahatagan sa COVID-19 vaccines.
“We are included in the priority areas for vaccination considering we are an economic hub. So ang directive is we have to be included in the prioritization for allocation of the vaccines,” dugang pa ni Loreche.
Nagkanayon si Loreche nga sa Metro Cebu, gikan Septyembre 13 hangtud 17, adunay 141,750 doses ang target nga maturok sa first dose apan aduna lang 25,891 doses ang naturok.
Samtang 64,703 doses ang gi target nga maturok alang sa second dose apan 55,413 ka dosis lang ang naturok.
“Meron tayong ample, adequate, oversupply of vaccines. Vaccines is not an issue. Vaccines is available. Kailangan lang natin patakbuhin ito,” dugang pa ni Loreche.
Apan bisan pa man nga gamay ra ang nagpabakuna, mapasalamaton gihapon si Loreche sa mga local government unit sa Cebu sa pagbuhat sa kutob nila nga makaya para lang gyud magpabakuna ang ilahang mga ginsakupan.
Pag September 23, 2021, ang Cebu Island aduna nay naturok nga 1,938,358 doses, diin 1,063,631 doses sa first dose ug 874,827 doses sa second dose. (By: April Therese Tan)