Share:

By Jim Lloyd Dongiapon

Nakatakda nga hingpit nang ipatuman sa Davao City ang bag-o niining public transport system, ang High Priority Bus System (HPBS), sa tuig 2024.

Matud ni Atty. Tristan Dwight Domingo, HPBS Manager and Assistant City Administrator for Administration,  gitinguha sa Davao City nga ilusad ang HPBS sa Abril 2024, sa higayong han-ay nang naproseso ang tanang bahin sa maong proyekto.

Sa pagpangandam alang sa rollout niini, gikabutyag ni Land Transportation and Franchising Regulatory Board (LTFRB) XI Director Nonito Llanos nga magsugod na sunod tuig ang bidding process alang sa unang 500 ka yunit sa HPBS.

Pagpadayon niya, ang social development program alang sa public utility jeepney (PUJ) drivers ug operators, kinsa maapektuhan sa pagpatuman sa bag-ong sistema sa transportasyon, mao’y ginatutukan karon sa ahensya.

Miingon sab si Llanos nga natino ug kompleto na ang mga ruta sa HPBS. 

Malaumon sila Domingo ug Llanos nga ang pagpondo alang sa mga nahibiling bahin sa proyekto maaprubahan na.

Hulipan sa HPBS ang mga PUJs isip nag-unang sistema sa pangpublikong transportasyon sa Davao City. Sukad pa niadtong tuig 2019, gisugdan na ang phase-out sa tradisyunal nga jeepneys.

Ang maong bus system dunay 29 ka mga ruta nga gitunga sa upat ka lebel, nga mao ang: will have 29 routes divided into four tiers, namely:

MetroDavao (dunay lima ka mga ruta nga mao’y moporma sa mga kinauyukang serbisyo nga magdugtong sa tanang dagkong sentro sa komersyo); 

DavaoInter (modagan subay sa walo ka mga ruta nga mokonekta sa mga sulod nga dapit sa kasyudaran direkta ngadto sa Davao Central Business District); 

DavaoFeeder (modagan subay sa siyam ka mga ruta nga modugtong sa mga gagmayng sentro ug mga dapit sa mas nagkatibulaag nga populasyon ngadto sa mga serbisyo sa MetroDavao); ug,

DavaoLocal (mao’y mosumpay ngadto sa gawas nga mga bukirong dapit sa dakbayan ug sa nag-unang sistema sa transportasyon o sa mga integrated terminal). 

Mosubay kini sa 137 ka kilometros nga core network ug 489-kilometer feeder routes sa dakbayan.

Leave a Reply