By Jim Lloyd Dongiapon
Nakatala ang Davao City Health Office (CHO) og usa ka kaso sa Chikungunya in Barangay Ilang, subay sa confirmatory test results gikan sa Department of Health.
Sumala ni Melodina Babante, Pest Control Worker II sa Tropical Diseases and Prevention Unit (TDPCU) sa Davao CHO, ang nasangpit na kaso ang nataptan niadtong Mayo, ug naayo na kini.
Dugang pa niini, dunay 28 ka mga indibidwal gikan sa mga Barangay sa Ilang ug Panacan, kinsa gidudahan nga nataptan sa kagaw ang nagapaabot pa sa resulta sa ilang confirmatory tests gikan sa ilang mga sample sa dugo.
Hugot nang gina-monitor sa CHO-TDPCU ang duha ka mga barangay alang sa posibleng pagsaka sa mga kaso sa Chikungunya cases human namatikdan nga ang mga nahisgutang dapit nakasinati na kaniadto og mga outbreak sa Chikungunya.
Nanawagan usab sa publiko ang CHO nga sundon ang “4S, nga mao ang – search and destroy mosquito-breeding sites, employ self-protection, seek early consultation at barangay or district health centers, ug support fogging/spraying.
Ang Chikungunya gikan sa kagaw sa samang ngalan, nga ginadala sa mga nataptang lamok, labi na ang Aedes albopictus and Aedes aegypti, nga nagadala usab sa dengue virus.
Ang mga kasagarang sintomas sa Chikungunya mao ang hilanat ug pagpanakit sa lutahan. Ang uban pang mga sintomas niini mao ang paglabad sa ulo, paghubag, pagpanakit sa kaunuran, ug mga pantal.
Ang mga sintomas kasagarang nagasugod tulo (3) hangtod pito (7) ka adlaw human mapaakan sa usa ka nataptang lamok.