Share:

Nangulo si Department of Transportation (DOTr) Secretary Art Tugade sa pag inagurar sa bag-ong Corporate Building sa Mactan-Cebu International Airport karong adlawa, Oktubre 28, 2021.

Ang unom ka palapag nga edipisyo aduna kini mga modernong kahimanan ug pasilidad diin anha na ibutang sa usa ka edipisyo ang mga employado sa Mactan Cebu International Airport Authority.

Matud pa sa DOTr kini gihimo aron sa paghatag og mas nindot nga serbisyo ug kosayon alang sa kliyente sa maong airport.

Samatang si Tugade human sa inugurasyon sa maong building nga nahuman pag Marso 21, 2021, nagpahigayon siya og inspeksiyon sa ikaduhang runway sa maong tugpahanan diin gibana-bana nga mahuman inug Mayo sa sunod tuig. 

Sa nahinumduman, pag Mayo 6, 2021 gi inugurahan ni Tugade ang bag-ong taxiway ug apron, diin gitunguha kini nga mosaka ang kapasidad sa parking gikan 40 ngadto 50 ka slots ug sa pag maximize sa kapasidad sa paglihok sa mga eroplano sulod sa maong tugpahanan.

(By: April Therese Tan)

Leave a Reply