By: April Therese Tan
Si Department of Social Welfare and Development Secretary Erwin Tulfo nangutana kung unsa ang gihimo sa ilang departamento sa Central Visayas kabahin sa nagkada-iyang sitwasyon sa maong lugar.
Si DSWD-7 OIC Regional Director Shalaine Marie Lucero ni report ngadto kang Tulfo sa ilang online miting kabahin sa panghitabo sa Central Visayas sama sa baha, typhoid fever sa lungsod sa Barili, Cebu ug ang alert level 1 sa Canlaon Volcano sa Negros Oriental.
Nimando si Tulfo ngadto sa DSWD-7 sa pag-ila sa mga lugar nga posible nagkinahanglan og
logistical support kay adunay mga local government unit nga walay transportasyon og warehouses alang sa kabutangan sa mga relief goods.
Si Lucero sa giluwatan nga press statement nagkanayon nga ang DSWD-7 mag-andam na og 6,000 ka family food packs alang sa Canlaon City.
Gawas niini, ang DSWD-7 gisuhid ang lima ka LGUs sa Bohol nga grabeng naapektuhan sa Typhoon Odette og lisud maadtoan.-(April Therese Tan)
Giila na usab sa DSWD-7 ang LGUs sa Cebu nga gitawag og “geographically isolated and disadvantaged areas” (GIDAs). Aron pud kini nga mga LGU molagda og usa ka Memorandum of Agreement alang sa pag-andam sa mga family food packs.
Samtang, kabahin sa kaso sa typhoid fever sa lungsod sa Barili, Cebu, ang DSWD-7, pinaagi sa Assistance to Individuals in Crisis Situation nakahatag na sila og P1,580,000.00 isip pinansyal nga hinabang ngadto sa in 313 ka pasyente nga nakadawat og P5,000 matag usa.
Samtang ang tulo ka pamilya kinsa adunay namatay gumikan sa maong sakit, makadawat og P10,000 nga pinansyal nga hinabang matag pamilya.
Nimando usab si Tulfo nga tan-awon kung unsa pa ang gikinahanglan nga hinabang alang sa pamilya nga namatyan.
Padayon ang DSWD-7 sa pag coordinate sa probinsiya, LGUs ug City-Municipal Action Teams sa mga maapektadong lugar aron sa pag monitor sa kahimtang og tabang nga mahatud sa maong mga lugar.