By Jim Lloyd Dongiapon
––
Gidakop pasado alas 4:00 sa hapon Lunes, Agosto 8, si kanhi vice presidential candidate ug Laban ng Masa chairperson Walden Bello sa mga opisyal sa Quezon City Police District (QCPD), alang sa duha ka ihap sa cyberlibel nga giduso batok kaniya ni kanhi Davao City Information Officer Jefry Tupas niadtong Marso 7, 2022.
Sumala ni Leomar Doctolero, miyembro sa staff ni Bello, ila nang gilauman ang pag-aresto human sa indictment sa Office of the City Prosecutor sa Davao City.
Dugang pa niya, dal-on si Bello gikan sa QCPD Station 8 ngadto sa- Camp Karingal alang sa booking procedures. Mutabang usab ang legal counsel ni Bello sa pagbayad og piyansa.
Sa usa ka ambush interview ngadto sa mga sakop sa media, mibarog si Bello nga inosente siya og innocent “pure political persecution” lamang ang nahisgutang kaso.
Kahinumduman nga namasangil sa usa ka online press conference si Bello kang Tupas nga usa siya ka “drug dealer” human kini nahimong sabdyek sa usa ka anti-drug raid sa usa ka beach party sa Davao de Oro niadtong Nobyembre 2021. Dugang pa, miangkon siya nga si Tupas ginapatuyang sa kanhi Mayora ug kasamtangang Vice President “Inday” Sara Duterte.
Miingon usab siya nga ang Davao City nanimaho sa kadunot ug and dakbayan sentro sa illegal drug trade sa Mindanao.
Ang maong mga pamasangil mi-aghat kang Tupas nga magduso og duha ka ihap sa cyberlibel batok sa kanhing VP candidate. Gawas pa niana, nagapangayo usab siya og ₱10 milyon nga danyos.
Sa pagkakaron, wala pa siya’y komento sa pagkadakop kang Bello sa Quezon City karong hapona.
Sa pikas bahin, gikondena sa mga progesibong magtutudlo gikan sa p Congress of Teachers/Educators for Nationalism and Democracy sa University of the Philippines (CONTEND UP), ang pagdakop kang Bello.
Matud sa pamahayag sa CONTEND UP, nakita nila nga kini “usa na sab ka pagsulay sa pagpahilom sa pagsaway ug pagsupak batok sa estado.” Gipunto usab sa grupo nga gawas sa pagdagan isip bise presidente, higpit nga kritiko usab si Bello sa “awtoritariyanismo” ni kanhi Presidente Rodrigo Duterte.