Share:

By: April Therese Tan

Kontrobersyal nga floating ug fixed cottages sa Cordova, Cebu paundangon sa ilang operasyon sugod karong Agosto 29, 2022, aron masugdan na ang rehabilitasyon niini. 

Mao kini ang nakab-ot nga desisyon sa kagamhanan sa Cebu Province human nasuta nga taas a level sa “fecal coliform” sa kadagatandiin iligal nga gitukod ang mga cottages nga walay permit gikan sa buhatan sa mayor.

Sa bag-o lang nga gipahigayon nga public forum nga gi atenan ni Cebu Governor Gwendolyn Garcia, Cordova Mayor Cesar Suan, representante sa nagkadaiyang ahensiya sa gobyerno ug mga stakesholders, ang maong desisyon wala babagi sa mga operators o tag-iya.

The gobernadora wala nihatag og iksakto petsa kung hangtod kanus-a mahuman ang rehabilasyon apan iyang gipasalig nga humanon sa labing daling panahon. 

Si Mayor Suan nihangyo ngadto sa sobra 400 ka operators/owners sa ilang tibuok nga kooperasyon ug mo sakripisyo lang una samtang ang  kagamhanan sa probinsiya ug munisipyo maninguha nga mahimong world class tourist destination ang maong dapit ugma damlag.

Leave a Reply