By April Therese Tan
––
Si Lapu-Lapu City Mayor Junard Chan naghatag og libreng sakay ngadto sa iyang mga ginsakupan sugod kagahapong adlawa, Hulyo 12, 2022.
Matud pa sa mayor nga daghan sa iyang mga ginsakupan dili na manggawas sa ilang panimalay tungod sa kamahal na sa presyo sa lana.
Naobserbahan ussb sa mayor nga adunay mga some public utility vehicle nihunong na usab sa pagbiyahe tungod ussb sa kamahal sa presyo sa lana.
“Tungod niana, atong i-deploy ang atong mga Libreng Sakay buses nga mobyahe sa mga main route sa atong dakbayan aron mohatod sa mga pasahero paingon sa ilang mga destinasyon,” matud pa sa mayor sa iyang Facebook post.
Dugang pa sa mayor nga pinaagi sa libreng sakay sa kagamhanan sa siyudad, makadaginot ang pasahero sa ilang plete.
“Abli kini nga moserbisyo sa mga Oponganon ug wala kini gipili nga pasakyon,” dugang ma sa mayor.
Dugang pa sa mayor ang mga buses nga gamiton sa libreng sakay dili pwede mag overloading sa mga pasahero.-(April Therese Tan)