By Jim Lloyd Dongiapon
Usa ka kusog nga linog ang mitay-og sa pipila ka bahin sa Visayas ug Mindanao pasado alas 6:44 Miyerkules sa gabii, Pebrero 1.
Mipagula ang Philippine Institute of Volcanology and Seismology (PHIVOLCS) og usa ka bulletin pasado alas 6:55 sa gabii, ug gikatala niini nga ang gikusgon sa linog anaa sa magnitude 6.1, ang episentro niini, nahimutang sa New Bataan, Davao de Oro.
Intensity III, o usa ka “weak” nga linog subay sa intensity scale sa PHIVOLCS, ang gikataho sa Davao City.
Ang Disaster Risk Reduction and Management Office (DRRMO) sa maong dakbayan ang namalita nga wala sila’y natalang kadaot sa istruktura has reported no structural damage pasado alas 7:20 karong gabiona.
Apan, gikumpirma sa buhatan nga anaa sa 10 ka estudyante gikan sa duha ka managlahing tunghaan sa dakbayan ang nangakuyapan atol sa paglinog. Hinuon, gikaingon sa Davao City
DRRMO nga giatiman na ang mga nasangpit nga mga estudyante sa mga emergency responder.
Samtang, ni-a ang instrumental intensities:
Intensity V (Strong) – Nabunturan, Davao de Oro
Intensity III (Weak) – Kidapawan City, Cotabato; Alabel, Sarangani; Tupi, South Cotabato; Bislig City, Surigao del Sur
Intensity II (Slightly Felt) – Cabadbaran City, Agusan del Norte; Libona and Malaybalay, Bukidnon; Don Marcelino, Davao Occidental; Abuyog, Leyte; Cagayan de Oro, Misamis Oriental; Malapatan, Glan, Kiamba, Sarangani; Norala, General Santos City, Koronadal City and Tampakan, South Cotabato; Tandag, Surigao del Sur
Intensity I (Scarcely Perceptible) – Alamada, Cotabato; Baybay and Dulag, Leyte; Maitum, Sarangani; Suralla, Santo Nino, T’Boli, and Tantangan, South Cotabato; Saint Bernard, Southern Leyte; Columbio, Sultan Kudarat; Surigao City, Surigao Del Norte
Sumala sa PHIVOLCS, ginalauman ang kadaot ug aftershocks human sa linog. Wala usab gipagula nga tsunami warning tungod nahimutang sa ilaya o inland ang episentro sa pagtay-og.