By Jim Lloyd Dongiapon
––
Gipusil-patay ang usa ka magsisibya sa radyo sa duha ka wala pa mailhing suspetsado alas 10 kaganihang buntag, Hunyo 29, sa Sitio Macanhan, Barangay Carmen sa Cagayan de Oro City.
Giila niCarmen Police Station Commander Police Major (PMaj.) Mario Mantala, Jr. ang biktima nga si Federico “Ding” Gempesaw, 62 anyos, blocktimer sa usa ka local FM radio station.
Sumala sa mga testimonya sa mga nakasaksi, anaa gawas sa iyang panimalay ang biktima nga nagatindog kilid sa iyang taxi sa dihang kalit nga miduol ang suspek ug gipusil siya sa makaduhang higayon sa ulo, dayon ikyas sakay ang usa ka motorsiklo uban ang iyang tandem.
Nakahiagom ug samad-pinusilan sa tuong kilay ug sa likod nga bahin sa iyang ulo si Gempesaw, matud sa Scene of the Crime Operatives (SOCO).
Gipamahayag ni PMaj. Mantala nga nagapahigayon na sila og malawmong imbestigasyon aron matino ang mga suspek ug ang motibo sa krimen.
Mihangyo usab si Mantala ngadto sa uban pang mga saksi ug sa mga adunay phone, CCTV, ug dash cam footages nga nakakuha sa mga panghitabo ayha ang, atol sa, ug human sa krimen, nga also asked other witnesses and those who have CCTV and dash cam footages that recorded the events prior, during, and after the crime, nga i-turn over kanila ang mga recording ngadto sa kapulisan aron mapapaspas ang ilang imbestigasyon.
Nagpasalig usab siya kanila nga ilang ipatuman ang kompidensyalidad ug panalipdan ang ilang pribasiya
Samtang, padayon ang pagpangayo og hustisya sa mga anak ni Gempesaw ngadto sa kamatayon sa ilang amahan, nga sa ilang pagtuo, adunay kalabutan sa iyang propesyon isip magsisibya.
Nasyaran usab nga si Gempesaw kanhi miyembro sa usa ka lokal nga partido ug usa ka kanhi taas nga empleyado sa lokal nga panggamhanan sa CDO human kini nagsilbi kaniadto isip labaw sa Economic Enterprises Department ubos sa termino ni kanhi Mayor Vicente Emano.
Sa panahon ni Gempesaw, siya ang nagadumala sa tanang merkado publiko sa dakbayan.