By April Therese Tan
Ang pirmirong kongresista sa Mandaue City Lone District, Emmarie “Lolypop” Ouano-Dizon pormal nang nihurar sa iyang katungdan pag Miyerkules, Hunyo 8, 2022 atubangan sa miyembro sa Konseho ug mayoriya nga barangay kapitan sa siyudad.
Inubanan sa iyang pamilya, si Ouano-Dizon nihurar ngadto kang Mandaue City Mayor Jonas Cortes.
Sa nahinumduman, si Cortes, kinsa kanhi kongresista sa Sixto Distrito, nilabang og balaodnon aron sa pagbuwag sa Mandaue City sa sixto distrito.
Gawas sa Mandaue City, ang sixto distrito gilangkuban kini sa lungsod sa Consolacion ug Cordova.
Si Ouano-Dizon, ang kasamtangan nga kongresista sa sixto distrito nagkanayon human sa iyang paghurar nga iyang ipadayon nga mahinayon gatud ang paghimo sa P1.5 bilyones nga underpass, flyover, ug laing road-level nga agi-anan sa mga sakayanan nga anha tukuron duol Pacific Mall sa Mandaue City.
Ang House Bill No. 9886 o “An Act providing for the construction of the tri-level interchange along M.C. Briones St., corner U.N. Avenue, Mandaue City, Province of Cebu and approproating funds therefore” kinsa si Ouano-Dizon ang principal author na aprubahan na kini sa Lower House.
Si Ouano-Dizon, kinsa anak ug apo sa mga kani mayor sa Mandaue City nga sila Thadeo Ouano ug Alfredo Ouano, nagpasalamat sa tanang Mandauehanons sa ilang padayon nga pagsalig ngadto kaniya ug nisaad siya nga padayon iyang tinud-anay nga serbisyo publiko.