By Christian Dee
MAYNILA – Nitong Biyernes, Nobyembre 25, nagpaabot ng pagbati si Pangulong Ferdinand “Bongbong” Marcos Jr. sa kanyang “good friend” na si Anwar Ibrahim sa pagiging bagong Prime Minister ng Malaysia.
Inihayag ng pangulo na inaasahan niya ang katatagan sa ilalim ng pamumuno ng naturang punong ministro.
“I would like to congratulate my good friend Anwar Ibrahim on his election as Prime Minister of Malaysia. I look forward to the stability his leadership will provide Malaysia and the region,” anang pangulo.
“My personal and official congratulations,” dagdag pa ni Marcos.
Matatandaang itinalaga ang matagal nang lider ng oposisyon na si Anwar ng hari ng Malaysia noong Nobyembre 24, at nanumpa bilang bagong Prime Minister.