Mobalik na ang usa sa mga inila nga beauty pageant sa Cebu, ang Miss Cebu human sa lima ka tuig nga nipahuway kini.
Ang launching sa Miss Cebu 2022 gihimo ngadto sa IL Corso Cebu Life Mall, South Road Properties sa Cebu City, gahapong adlawa, Septymebre 16, 2021 kinsa gipanguluhan kini sa sikat nga fashion designer ug Cebu City Tourism Commissioner Philip Rodriguez.
Sa ilang Facebook page, nagkanayon nga ang Miss Cebu 2022 screening mo abli na sa mosunod nga mga adlaw.
Matud pa nga ang kadtong buot moapil sa maong kumpetisyon dapat 18-25 anyos, adunay pleasing personality, 5’3″ ang gitas-on, adunay maayong moral character, mo gradweyt na sa high school, maayo mosulti sa English ug Cebuano, usa ka Filipino citizen, residente sa Cebu, dili aplikante sa ubang beauty pageant ug dili empleyado sa local government unit sa Cebu City.
Ang Miss Cebu nagsugod pag 1983 og kihinganlan kini og Miss Cebu Tourism, nga usa sa labing gipaabot nga aktibidadis panahon sa matag tuig nga Sinulog festivities nga ipahigayon sa Cebu City matag buwan sa Enero.
Sa pagbalik sa Miss Cebu, ang Cebu aduna na karon duha ka mga sikat nga beauty competition, ang usa mao ang Binibining Cebu.
Sila si Binibining Cebu 2018-19 Steffi Rose Aberasturi ug reigning Binibining Cebu Beatrice Luigi Gomez, nangapil karon sa Miss Universe-Philippines 2021 kumpetisyon nga nag representar sa Cebu Province and Cebu City. (By: April Therese Tan)