By: Jim Lloyd Dongiapon
Nagpagula og opisyal nga pamahayag ang National Commission on Muslim Filipinos (NCMF) has issued an official statement kalabot sa pagkakanselar sa mga flight paingon Saudi Arabia nga nakatakda niadtong Hunyo 19, 20, ug 21, ug sa pag-isyu og Hajj visas.
Misaad ang komisyon nga ilang papaspasan ang pag-isyu sa mga visa ngadto sa tanang peregrino nga wala pa mobiya alangsa Hajj, ug duna kini prayoridad alang sa kadtong mga nangatanggong.
Dugang pa niini, dunay mga bag-ong flight nga i-schedule, ug maghatag usab ang komisyon og tabang pinansyal ngadto sa mga nangatanggong nga peregrino alang sa ilang nalugwayang pagpabilin.
Namahayag si NCMF Commissioner Yusoph J. Mando nga nakighinabi si Secretary Guiling Mamondiong ngadto sa Hajj Ministry, Moassassa, ug mga service provider sukad Lunes sa kagabi-on, Hunyo 20, gumikan sa kalahian sa oras tali Pilipinas ug Saudi Arabia.
Miresulta kini sa pagpadayon sa pagpagula og Hajj visas pinaagi sa subling pag-abli sa East London Mosque (ELM) portal.
Nakighinabi usab ang kalihim ngadto sa Philippine Airlines, Saudia Air, Oman Air and Qatar Airways alang sa bag-ong flight schedules ubos sa mga kondisyong nga gisabutan sa NCMF ug sa mga nasangpit nga airline company kalabot sa gastos ug uban pang incidental expenses, kung aduna man.
Misaad usab ang komisyon nga ang NCMF, pinaagi sa tagsa-tagsang mga Sheikh sa mga peregrino, ang maghatag og tabang pinansyal alang sa gasto sa mga nangatanggong nga peregrino alang sa ilang hotel accommodation ug pagkaon pinaagi sa mga opisina sa mga Commissioner nga sila Yusoph Mando, Datu Ras Lidasan, Jr., ug Dra. Anna Kharima Mindalano-Lao.
Ang mga peregrino kinahanglang nakaabot na sa Saudi Arabia sa dili pa ang katapusan niining kasamtangang bulan.
Ang tinuig nga Hajj, nga usa sa lima ka haligi sa Islam, ang panaw-duaw sa mga Muslim ngadto sa Mecca sa Gingharian sa Saudi Arabia.
Ang mga Muslim nga dunay paagi ug kapabilidad ang kinahanglang buhaton kini labing menos kausa sa ilang kinabuhi.
Kini ang unang higayon sulod sa duha ka tuig nga ang mga Pilipinong Muslim ang makatambong sa tinuig nga Hajj sanglit wala sila nakasalmot gumikan sa mga pagdili nga gipahinabo sa COVID-19 pandemic.
Ang Hajj karong tuiga magsugod sa kagabi-on sa Hulyo 7 (Huwebes) ug matapos kini sa Hulyo 12 (Martes).
Photos: Dr. Jun Alonto Datu Ramos, Director IV, NCMF