“It’s unfair” na sabihing ang gobyerno ay hindi nakikinig ng feedback patungkol sa kung papaano nila harapin ang pandemya, ayon kay Secretary Secretary Karlo Nograles nitong Lunes.
“Nakikinig naman kami. Nakikinig naman ang gobyerno at lahat naman ng dapat at kailangang gawin ay tinutugunan naman namin at binibigyan naman natin ng pansin,” Sinabi ni Nograles sa panayam sa ABS-CBN News Channel.
“So I think it’s unfair to say na government is not listening,” dagdag niya
Tinanong si Nograles tungkol sa mga pamumuna na hindi nakikinig ang gobyerno sa feedback sa kung paano nito hinahawakan ang pandemya.
Partikular na tinawag ni Bise Presidente Leni Robredo ang gobyerno sa hindi pagtanggap na mayroong mga puwang sa pagtugon nito sa krisis sa kalusugan.
Ngunit sinabi ni Nograles na ginagawa ng gobyerno ang “lahat” at naglagay ng mekanismo ng feedback hanggang sa lokal na antas.
“We’re doing everything.. we’re getting from the ground, kasi malawak naman ang gobyreno, kasama na diyan ang LGUs (local government units), kasama ang iba’t-ibang agencies and departments of government, we get feedback also, may feedback mechanism tayo diyan,” ani ni Nograles.
“From that feedback, we also get yung inputs nila on how we can improve yung ginagawa nating pagtugon at response natin dito sa laban against COVID-19, ” dagdag pa niya.
Sa ngayon, ang Metro Manila at apat na kalapit na lalawigan ay nasa ilalim ng modified enhanced community quarantine (MECQ) dahil sa matinding pagtaas ng kaso ng COVID-19.