By: Jim Lloyd Dongiapon
Gipusil-patay sa wala pa mailhing mamumusil ang opisyal sa usa ka lungsod sa Basilan pasado alas 11 sa buntag Biyernes, Hulyo 15.
Ang biktima giilang si Andy Ascali Atta, 51 anyos, residente sa Purok 8, Barangay Tabuk, retiradong pulis, ug kasamtangang municipal administrator sa Hadji Mutamad, Basilan.
Samtang, ang iyang driver nga si Moner Ituralde Mohammad ang samdan human ang insidente sa pagpamusil.
Nagpahigayon na og imbestigasyon ang Isabela City Police Station aron matino ang motibo sa krimen ug aron maila ang mga sad-an.