By April Therese Tan
Unom ka petitioner ang nipasaka og petisyon alang sa pag usbaw og P2.00 nga pletehan sa public utility jeepneys sa Central Visayas nga gilangkuban sa Cebu, Negros Oriental, Bohol and Sijuijor didto sa Land Transportation Franchising and Regulatory Board-7 kagahapong adlawa, Hunyo 9, 2022.
Base sa ilang unom ka pahina nga petisyon, ang ilang gipangayo nga P2.00 isip provisional nga pagpasaka sa minimum nga pletehan sa jeepney dili kini makonsiderar nga pasakit ngadto sa mga pasahero, nga nakapahimulos karon sa gitawag nga free ride nga kasamtangan nga gi implementar sa gobyerno.
Matud pa sa mga petitioner nga kung dili pasakahan ang minimum nga pletehan sa mga jeepney dili lang makumpirmiso ang mga PUJ operator ug drayber apil na ang mga public utility vehicles apan labi na gyud ang publiko.
Nagkanayon usab ang mga petitioner nga P83.55 na nga presyo sa diesel matag litro pag Hunyo 7, 2022 base sa Department of Energy Monitor diin mas taas kini og 91.35 porsiyento kaysa sa presyo pag Abril 24, 2019, P44.21 ngadto sa P47.26 matag litro ang diesel. Kaning panahuna, P9.00 lang ang minimum nga pletehan sa jeepney ang gitugot sa LTFRB.
Dugang pa sa mga petitioner nga angayan pasakahan na ang pletehan sa minimum fare tungod sa kataas na sa presyo sa diesel matag litro og padayon pa kini nga motaas sa umaabot nga mga semana.
Ang mga petitioner gilangkuban kini sa Partylist 1-United Transport Koalisyon (1-UTAK), Cebu Integrated Transport Multi-Purpose Cooperative (CITRASCO MPC), Visayas United Drivers Tranport and Multi-Purpose Cooperative (VUDTRASCO), Mactan Lapu-Lapu Mandaue Transport Cooperative (MLMTC), Talisay Minglanilla Naga San Fernando Carcar Transport Cooperative (TMNSCTC), Mandaue Sabang Danao Multicab Operators and Drivers Multi-Purpose Cooperative (MASADAMOD MPC) ug Mauswagon Transport Cooperative.