By: April Therese Tan
Ang kagamhanan sa Probinsiya sa Sugbo ug ang the League of Municipal Municipalities-Cebu Chapter nanghatag og pasidungog ngadto sa mga opisyales sa probinsiya nga nitabang sa sa pag responde, aron maulian ug pagpadayon sa mga hagit sa COVID-19 pandemya ug sa bagyong Odette.
Nagpahigayon og usa ka “gratitude dinner” si Garcia kagabie sa Biernes, Hunyo 24, 2022 aron sa paghatag og pasidungog sa mga mayor, kongresista og bokal sa ilang serbisyo ngadto sa mga Sugbuanon sa ilang tabang ug suporta sa iyang administrasyon.
Matud pa sa Sugbo News sa ilang Facebook post nga ang maong kalihukan alang lang gyud pagpasalamat sa mga opisyales sa hiniusang paningkamot sa Sugbo batok sa mga hagit lakip na sa hulga batok sa Asian Swine Flu virus ug uban pa.
“We did not only survive all the challenges. But we prevailed,” matud pa sa napili pag-usab nga gobernadora sa Cebu.
Matud pa ni Garcia nga sa nilabay nga tulo ka tuig, napamatud-an nga ang Cebu usa ka “truly a model of leadership and excellence” labi na sa panahon nga ang nasud nag-atubang og daghang hulga.
Atol sa “Gabii sa Pasalamat”, ang tanang mayor, kongresista ug bokal sa Cebu nakadawat og plaque of recognition gikan sa kagamhanan sa probinsiya ug LMP-Cebu nga gipanguluhan sa ilang president nga si Liloan Mayor Christina Garcia-Frasco, kinsa mao karon ang napili nga bag-ong sekreterya sa Department of Tourism ubos sa administrasyon ni Ferdinand “Bongbong” Marcos, Jr.