Share:

Tulo ang nanagan isip pagka gobernador sa Cebu karong umaabot 2022 nga piniliay.

Si incumbent Cebu Governor Gwendolyn Garcia buot magpapili og usab sa maong posisyon samtang ang iyang runningmate kay si Dr. Maria Teresa Heyrosa.

Si Heyrosa usa practicing ophthalmologist nga gikan from Carcar City, Cebu. Iyang giangkon nga gidawat niya ang maong hagit isip bise gobernador, pagka gabie lang sa wala pa mapupos ang deadline sa pag sang-at og certificate of candidacy.

Matud pa ni Garcia atol sa iyang pag sang-at sa iyang COC nga ang Cebu nagpabilin nga numero uno tungod sa kadako sa iyang panundlaan ug assets nga nakapahimo sa probinsiya ubos sa iyang liderato isip “Best Province in the Philippines”.

Si Garcia modagan ubos sa Partido Demokratikong Pilipino–Laban ng Bayan (PDP-Laban) ug One Cebu Party, ang partido nga iyang gipanguluhan.

Si kanhi Department of Tourism secretary Ace Durano nisang-at usab sa iyang COC sa tinguha nga malangkat niya ang pinakataas nga posisyon sa probinsiya.

Si incumbent Vice Governor Hilario Davide III mao ang runningmate ni Durano.

Si Durano, kanhi kongresista sa Cebu Fifth District modagan ubos sa partido nga gipanguluhan sa iyang pamilya, ang Bakud party ug Partido Pilipino sa Pagbabago (PPP).

Ang 51 anyos nga si Durano nagkanayon kung modaog siya isip gobernador prioridad niya ang programa sa panglawas ingon man ang pagtubag sa sitwasyon sa COVID-19 sa probinsiya.

Laing buot modagan isip gobernador mao si Pablo Olmedo, nga modagan isip independent nga kandidato.

Ang 71 anyos nga pastor gikan sa Evangelical Preachers of Dalaguete, Cebu gusto undangon na ang political dynasties sa Cebu ug gusto niya ipalambo ang micro-financing aron mas makapahimulos ang mga kabos aron sa pagpalambo sa ilang tagsa-tagsa ka kinabuhi. (By: April Therese Tan)

Leave a Reply