By Jim Lloyd Dongiapon
––
Giduso ni Senador Robinhood “Robin” Padilla ang Senate Resolution No. 8, nga nanawagan sa ehekutibong departamento nga paspasan na ang pagmugna sa Marawi Compensation Board (MCB), nga mao’y moproseso sa mga claim sa mga biktima sa 2017 Marawi Siege.
Namatikdan usab ni Padilla nga lima ka tuig na ang milabay sukad nahitabo ang pag-atake, nagapaabot pa gihapon ang mga biktima niini sa pagpatuman sa Republic Act (RA) No. 11696, kon Marawi Siege Victims Compensation Act of 2022, sa paglaum nga ilang matukod og usab ang ilang mga panimalay human sila nag-antos og tunga sa dekada isip internally displaced nga mga tawo.
“Now, therefore, be it resolved, as it is hereby resolved, to urge the Office of the Executive Secretary to conduct the vetting process of the nominees that will compose the Marawi Compensation Board for purposes of their appointment by the President as provided under RA 11696, or the Marawi Siege Victims Compensation Act of 2022 (Busa karon, kini masulbad ingon man kini giresolba, ginaawhag ang Office of the Executive Secretary nga magpahigayon og proseso sa pagpili sa mga nominado nga molangkob sa Marawi compensation board alang sa katuyoan sa ilang pagkatudlo sa Presidente, subay sa gihatag ubos sa RA 11696, kon Marawi Siege Victims Compensation Act of 2022),” dugang sa senador.
Gipatuman ni kanhi Presidente Rodrigo Duterte ang RA 11696 niadtong Abril 13, 2022. Nanawagan kini sa pagkatukod sa MCB, nga maghatag og tax-free nga kompensasyon sa mga tag-iya sa mga residensyal, kultural, ug komersyal nga mga gambalay sulod sa mga lugar nga naapektuhan sa kagubot.
Ang board adunay usa ka chairpersaon ug walo pa ka mga miyembro nga pili-on sa Presidente. Girekomenda nga ang tulo sa mga miyembro niini mga Maranao nga abogado nga miyembro sa Philippine Bar. Usa ka Sharia lawyer o tradisyunal nga Muslim leader ang molangkob sa usa sa duha ka ka civil society representatives. Usa ka lisensyadong doktor, certified public accountant, magtutudlo, and lisensyadong civil engineer ang mokumpleto sa listahan.
Apan, sumala ni Padilla, bisan pa man sa mga singgit sa mga biktima sa kagubot, wala pa gihapon namugna ang MCB, dul-an upat ka bulan na ang milabay human nahimong balaod ang RA 11969.