By April Therese Tan
––
Ang Social Security System sa Cebu niluwat og kamandoan sa walo ka mga dilingkwente nga employer sa Mandaue City.
Ang maong mga employers wala kini maka remit sa kontribyusyon sa SSS ug wala gi report ang ilang mga bag-ong empleyado nga nagkantidad og P2.9 milyones.
Matud pa ni SSS Vice-President of Central Visayas 1 Division Atty. Alberto L. Montalbo sa giluwatan nga press statement nga ikaduhang higayon na kini nga naglusad sila og operasyon sa Mandaue City aron sa padayon nga panghimangno sa mga employers nga ang Ilang buhatan nag monitor sa ilang mga accounts.
“We will continue this operation to ensure their full compliance as well as the active SSS membership of their employees,” matud pa ni Montalbo.
Ang SSS’s Run After Contribution Evaders (RACE) nga kampanya sa Mandaue City nagsugod pag Hunyo 2019 diin adunay nasuta nga 13 ka mga buluyagon nga mga employer. Napulo niini ang nakatuman na sa ilang obligasyon human sa ilang operasyon samtang tulo niini ang ni nipahimulos sa ilang condonation program.
“The RACE campaign in 2019 yielded full compliance from the erring employers where majority are back to their good standing status with SSS. We are also expecting the same success rate in this second batch of employers with unpaid contributions since we are offering longer installment payment terms,” dugang pa ni Montalbo.-(April Therese Tan)