By Christian Dee
MAYNILA – Ibinahagi ni Sunshine Dizon noong Sabado, Disyembre 3, na may pinagdadaanan siya sa kanyang kalusugang pangkaisipan.
Ipinaskil ng aktres sa Instagram ang larawan ng kanyang mga gamot at sinabing napag-alamang mayroon siyang post-traumatic stress disorder (PTSD), depression, panic attacks, at abandonment issues.
“And since im] here alone feeling overwhelmed guess its time to admit what I’ve been going through recently,” saad ng aktres sa kanyang Instagram post.
“Diagnosed with PTSD, Depression, Panic attacks, Abandonement issues and that’s just skimming the surface,” aniya.
Ibinahagi rin ng aktres ang mga tiyak na gamot.
“Im on xanor, jovia, revotril for emergencies and stilnox.”
Aniya kung bakit niya ibinahagi ito, dahil nais niyang palayain ang sarili mula sa mga “stigma.”
“There’s nothing wrong to ask for help. I know it’s very hard to get stuck in your head. But we can do it, baby steps. One day at a time,” ani Dizon.