By Jim Lloyd Dongiapon
Wala’y nakit-ang foul play ang Talomo Police Station sa kamatayon sa usa ka taxi driver, na nakit-ang wa nay panimuot sayo sa kabuntagon sa Miyerkules, Hunyo 8 sa Catalunan Grande Road, Purok 52, Sitio Kalubihan 2, Catalunan Grande, Davao City.
Giila ni Police Major Noel Villahermosa identified ang biktima nga si Allan Mapa, 53 anyos, taxi driver sa Ma-ro, ug residente sa Ma-a, Davao City.
Gipunto usab ni Villahermosa nga wala’y nahiagumang samad o bun-og ang biktima, ug wala usab natarog ang iyang mga gamit ug kwarta.
Sa inisyal nga pagsusi, posibleng nakasinati og atake sa kasingkasing ang biktima samtang nagapahulay kini sulod sa sakyanan.
Subay sa inisyal nga imbestigasyon, pasado alas 2 sa kaadlawon, usa ka Rodelio Cabaguio ang nakakita sa biktima nga gi-park ang iyang taxi cab sa maong dapit.
Upat ka oras ang milabay, pasado alas 6 sa buntag, nakit-an ni Ruby Tamayo ang biktima, who kinsa daw murag natulog lang, samtang naga-jogging siya. Pagbalik niya sa maong dapit, nabantayan niya nga sama ra gihapon ang posisyon sa biktima, hinungdan nga nagduda na kini.
Gituktok niya ang bintana aron unta pukawon ang biktima, apan wala kini mitubag o nakabati man lang. Dali siyang mitawag sa kapulisan aron mangayo og tabang.
Gina-imbestigahan pa sa Scene of the Crime Operatives (SOCO) ang mga sirkumstansya nga nagdala sa maong insidente.