Mga trabahante sa Fooda Saversmart sa Cebu nilusad sa ilang welga sa mamumuo karong adlawa, Septyembre 18, 2021.
Matud pa ni Juliet Doverte, ang presidente sa Fooda Saversmart Employees Union nga dili sila motoo nga alkansi ang management nga maoy gihimong rason nganong manira ang maong establisyemento karong Septyembre 22, 2021.
Ang management ni-anunsiyo kaniadtong usang buwan pina-agi sa ilang Facebook page nga manira na sila og gikumpirmar kini sa Department of Labor and Employment-7 nga nisumitir ang management sa ilang permanenteng pagsira.
Matud pa sa DOLE-7 nga ang pagkalugi sa negosyo ang gibutang nga rason kung nganong manira na ang Fooda Saversmart human sulod sa 19 ka tuig nga operation.
Gumikan sa maong lakang, adunay 243 ka mga trabahante nga mawagtangan sa ilang trabaho.
Matud pa ni Noverte nga nahinabi sa DYLA nga dili sila motoo nga manira ang maong establisyemento kay ilang nahibal-an nga nag hire ang management og mga bag-ong trabahante.
Sa nahinumduman, nisaad ang DOLE-7 nga mohatag sila og ayuda ubos sa ilang Livelihood program and Employment Faciliation ngadto sa mga apektadong trabahante. (By: April Therese Tan)