Malampuson nga gilusad sa Diabetasol Nutrition Philippines ang ilang “Start-Up the Sweet Life” nga didto gipahigayon sa Enderun Atrium, Taguig City kaniadtong Hulyo 30.
Ang maong panghitabo usa sa pamaagi sa Diabetasol PH sa pagsaulog sa Nutrition Month pinaagi sa paglusad sa #TreatYourSelfWell nga kampanya nga nakatutok sa pamaagi unsaon paglikay ug pagtambal sa sakit nga diabetes.
Naghimo og upat ka istasyon ang organizers sa maong panghitabo diin ang publiko pwede moapil sa Start Well, Move Well, Eat Well, ug Think Well.
Si Gino Fernando, usa sa mga nutritionist-dietitian, maoy nitabang sa mga nitambong sa pagsuta kung posible ba nga naa na silay sakit nga diabetes pinaagi sa Karada Scan Body Composition Monitor.
Ang mga indibidwal nga nag 45 anyos pataas ang kasagaran nitambong sa maong kalihukan nga maoy posible mataptan sa sakit nga diabetes samtang ang mga batan-on nga adunay sakop sa pamilya nga naay sakit nga diabetes gitambagan usab sila nga ampingan ang ilang panglawas.
Ang Jump Manila nga gipanag-iya ni Erwin Ng, maoy nag-una sa Move Well activity, diin giawhag ang publiko sa pag jump rope bugti sa ilang mga brand merchandise.
“We are promoting Jumping Rope as a workout since it is simple and doable everywhere and at any time, giving people no reason not to exercise. Further, it enables quick weight loss and lowers stress and anxiety,” matud pa ni Coach Lovely Gervacio Tajan sa Jump Manila.
Samtang sa Eat Well section, nagluto og mga putahi si Chef Jac Laudico gigamit ang Diabetasol powdered drinks nga adunay tulo ka flavor: ang vanilla, chocolate, ug cappuccino, nga nakahimo og lain-laing putahi sama sa “chocolate covered with cream and strawberries,” ug “cappuccino topped with chocolate tops and wafers.”
Gisundan kini sa usa ka komperensya nga gipanguluhan ni Dr. Leyden Florido, presidente sa Philippine Association of Diabetes Educators.
Matud pa ni Florido, nga daghan nang mga indibidwal edad 20 anyos ngadto sa 79 anyos ang nangasakit sa diabetes gikan 151 milyones sa una ngadto sa 537 milyones karon.
“We Filipinos are really sweet lovers, craving for a sweet life, but we all know that 1 out of 14 people has diabetes. We are relatively at risk of having diabetes. We have to have management,” dugang pa ni Florido.
Tungod niini, gibutyag ni Florido ang mga simpleng solusyon sa maong sakit sama sa pag ehersisyo sama sa paglakaw 50 minutos ngadto 70 minutos, tulo ka higayon sulod sa 12 ka semana.
Matud pa ni Florido nga nakaayo usab sa lawas nga pagpa init sa adlaw diin pwede nakakuha og taas nga Vitamin D.
Dugang pa ni Florido mao ang pagkaon og masusustansya nga pagkaon sama sa utanon, whole grains, lean protein, low-fat dairy, ug mga prutas ug pagkunhod sa pagkaon sama sa fried meals, sweets, sugary beverages, ug mga pagkao nga tambok ug parat.
Asoy pa ni Florido nga importante nga mabatukan sa mga indibidwal nga adunay sakit nga diabetes kauban ang ilang mahal sa kinabuhi.
“It should be a team effort. You are not alone. We really do need somebody to push as to the sweet life,” matud pa ni Florido.
Matud pa usab ni Pia Santos, ang Senior Brand Manager ng Diabetasol Nutrition Philippines ang pag-inom sa Diabetasol baylo sa pamahaw og panihapon.
Matud pa ni Santos nga ang basic set sa Diabetasol nga usa ka nutrition powder naglangkob kini sa 11 ka klase nga bitamina ug minerales nga mogana ug motabang sa VitaDigest, nga gilangkuban sa insulin ug slow-digesting carbs, nga makatabang sa pag balanse sa blood sugar ug kagutom.
Human sa presentasyon, ang mga nitambong gihatagan og kahigayunan sa pagpangutana unsaon paglikay sa sakit nga diabetes ug pamaagi sa pag kontrol niini.
Human niini, ang mga nanambong gihatagan og sample sa Diabetasol powdered drink ug gitaas ang ilang tagsa-tagsa ka mga baso isip timaan sa malampuson nga #TreatYourSelfWell nga kampanya.
Pwede mapalit ang mga produkto sa Diabetasol pinaagi sa ilang Diabetasol PH official website.