By: April Therese Tan
Ang umaabot nga Department of Social Welfare and Development Secretary Erwin T. Tulfo nibisita sa Cebu kagahapong adlawa, Hunyo 24, 2022 ug gihangop siya sa mga opisyales sa ilang ahensiya sa Rehiyon 6, 7 ug 8.
Inubanan sa iyang transition team , si Tulfo nibisita sa Field Office VII sa Cebu City ug ang mga pasilidad niini sama sa Visayas Disaster Resource Center (VDRC) Reception and Study Center for Children, Home For Girls ug Regional Haven for Women aron sa pagsiguro nga makasabot sila sa nagkadaiyang programa ug serbisyo sa maong ahensiya.
Didto sa VDRC, si Tulfo ug ang iyang transition team gi-orient unsa ang gimbuhaton sa VDRC panahon sa katalagman ug tawhanong suporta lang sa katawhang Pilipino.
Si Engr. Irish Flor Yaranon sa VDRC nagpahigayon usab og briefing sa pagsugod sa pasilidad ug gimbuhaton sa “mechanized production system” alang Family Food Packs (FFPs).
Ang mga opisyales sa DSWD nakigmiting usab ni Tulfo ug sa ang iyang transition team alang sa orientasyon sa sitwasyon sa rehiyunal nga buhatan sa Bisayas.
Sa iyang mensahe, gipasabot ni Tulfo ang misyon sa ilang ahensiya alang sa pagtabang sa Pilipinong katawhan labi na sa mga kabos ug ang ubang sektor nga nagkinahanglan og tabang.