By Jim Lloyd Dongiapon
Usa ka opisyal sa Philippine Army, kinsa nagyuod sa pagpatay sa negosyante ug modelong si Yvonne Chua, ang milimod sa mga pamasangil nga gisalibag kaniya.
Sa usa ka pamahayag, gipadayag ni Brigadier General Jesus Durante III, kanhi labaw sa Presidential Security Group sa termino ni kanhi Presidente Rodrigo Duterte, ug kasamtangang labaw sa 1001st Brigade sa Davao de Oro, ang iyang pahasubo sa kamatayon sa biktima, ug gibutyag nga sila managhigala her death, and revealed that they were friends.
Giangkon usab ni Durante nga naguyod lamang iyang ngalan human nga ang karong na-delete na nga post ni Chua Abril niadtong niaging tuig ang mikapaw na sab, diin gipakita niini ang iyang mga samad ug bun-og ug gihinganlan siya nga responsable ato.
“Yvonne was a friend. My name is being dragged based on an FB [Facebook] post made last April 2022 wherein [she claimed] I allegedly hurt her. She later retracted the post and issued a statement that I did not in any way harmed [sic] her,” segun niya sa iyang pamahayag.
(Si Yvonne akong higala. Naguyod akong ngalan tungod sa Facebook post nga gihimo niadtong Abril 2022 diini iyang gipamasangil nga ako siyang gisakitan. Iyang gibakwi kindadugayan ang post ug mipagawas og pamahayag nga wala nako siya gisakitan sa bisan unsa mang pamaagi.)
Dugang niya, “I am deeply saddened [by] her demise and condole with her family and friends.”
(Nahasubo ako sa iyang kamatayon ug nakisubo sab ako sa iyang pamilya ug mga higala)
“I myself demand justice for Yvonne,” ingon sa opisyal sa Army.
(Ako mismo nagapangayo og hustisya alang kang Yvonne).
Giawhag niya ang kadtong kinsa mang dunay impormasyon kalabot sa mga suspek nga makigkoordinar sa kapulisan.
“I understand that there is already an ongoing investigation by the police authorities. Hence, I encourage anyone who has information that would lead to the resolution of this heinous crime to coordinate with the police,” ingon ni Durante sa kinatapusan sa iyang pamahayag.
(Nakasabot ko nga dunay nagapadayong imbestigasyon ang mga awtoridad. Busa, akong giaghat ang si bisan kinsa man nga dunay impormasyon nga motultol sa pagkasulbad sa maong maduguong krimen nga makigtambayayong sa kapulisan.
Sa laing bahin, naghanyag na Meanwhile, the Davao City Police Office (DCPO) is offering a Php1-million nga ganti alang sa kinsa mang dunay impormasyon kalabot sa duha ka persons of interest nga nakuhaan sa CCTV camera duol sa gipanghitabuan sa krimen.
Sumala ni Police Colonel (PCol.) Alberto Lupaz, direktor sa DCPO, ang reward money gikan sa usa ka “concerned citizen” nga misuporta kanila aron mapaspasan ang imbestigasyon.
Gikaingon ni Police Regional Office XI Spokesperson Police Major (PMaj.) Eudisan Gultiano, nga ang pagpangawat ang posibleng motibo sa krimen sanglit dunay klarong tuyo nga patyon ang biktima, subay sa CCTV footage.
Gawas pa sa pagpangawat, midugang si Gultiano nga ila usab ginakonsidera ang personal nga kalagot isip usa sa mga motibo luyo sa krimen.
Miingon sab siya nga mohatag og dugang updates ang kapulisan sa higayong makahipos na sila og dugang ebidensya nga makatabang kanila sa pagtumbok sa mga person of interest ug sa tinood nga tuyo luyo sa pagpamatay.