By April Therese Tan
––
Ang ikaduha nga labing damo nga power distributor sa tibuok nasud mopaubos og 30-sentabos matag kilowatt per hour sa ilang kuryente sugod sa Hunyo hangtud Hulyo nga billing cycle.
“The price of fuel in the world market has really affected power generators, and our electricity rates, as well. It’s a good thing that for the billing month of June – July, our average rate for residential customers had dropped by 30 centavos,” matud pa Engr. Raul Lucero, ang presidente ug chief operating officer sa Visayan Electric.
Matud pa ni Lucero nga sa buwan sa Mayo, adunay gamay nga pag-ubos sa presyo sa lana, nga niresulta usab kini sa pag-ubos sa generation rates ug electricity rates.
Ni esplikar ang VECO nga ang average rate alang sa ilang residential customers niubos og P13.70 matag kwh gikan sa P14 matag kwh kaniadtong usang buwan.
Nagpasabot kini nga adunay pagbana-bana nga moubos og P60.00 sa bill sa kuryente alang sa usa ka household nga mokunsumo og 200 kwh matag buwan.
Gawas sa taas nga presyo sa lana, matud pa sa VECO adunay usab kakulian sa Visayas Grid nga maoy hinungdanan sa power curtailments, nga makapataas usab sa presyo sa elektrisidad lakip na niini sa Wholesale Electricity Spot Market (WESM), kinsang presyo mosaka ngadto sa P30 matag kwh tungod usab sa taas nga presyo sa lana.
Apan matud pa ni Lucero nga ang Visayan Electric nangita og pamaagi aron makakontrata sila og power supplier nga mohatag kanila og ubos nga presyo sa kuryente.
Aron makatabang sa ilang mga kustomer, padayon ang VECO sa paghatag og installment basis nga pamaagi sa pagbayad sa kuryente.
Dugang pa Lucero nga samtang naninguha sila nga makahatag og reasonably-priced nga kuryente gikan sa mga power generators, ilaha usab gipahimangnuan ang ilang mga kustomer nga magmatngon sa ilang kunsumo sa kuryente aron dili kini madak-an sa ilang electricity bill matag buwan labi na karon nga ang presyo sa lana nagsigi na usab og saka.-(April Therese Tan)