By: April Therese Tan
Vice President-elect Sara Duterte nitambong sa birthday ug thanksgiving party sa kanhi senatorial candidate Gilberto “Gibo” Teodoro nga didto gipahigayon sa Cebu White Sands Resort and Spa in Lapu-Lapu City kagabii sa Hunyo 24, 2022.
Sa iyang mensahe, si Duterte nanghinaot sa maayong lawas ug kalipay sa kinabuhi ngadto ni Teodoro lakip na ang pamilya niini.
Dugang pa ni Duterte nga nanghinaot siya nga makatrabo si Teodoro sa gobyerno ug bisan gawas sa gobyerno.
Si Nikki, ang asawa ni Teodoro nagpasalamat sa tanan nga nitambong sa padayon nga suporta sa iyang bana. Uban usab kanila ang ilang anak nga si Jaime sa maong selebrasyon.
Si Teodoro, kinsa wala magmalamposon sa iyang tinguha isip senador kay anaa lang siya nahimutang sa ika 15 nga posisyon nagpasalamat gihapon siya sa 12,574,745 ka mga Pilipono nga ni suporta kaniya ug siya nanghinaot nga mas modaghan pa ang botos ang iyang makuha inug 2025 eleksyon.
Ang mga suporters ni Teodoro gikan sa Visayas ug Mindanao nga nitambong sa maong selebrasyon padayon sa ilang suportaha kay ang nasud nagkinahanglan og lider sama kaniya.