By:Jim Lloyd Dongiapon
Gibutyag sa Commission on Elections (COMELEC) X nga posibleng muatubang og silot ang usa ka magtutudlo nga nagsilbi isip Board of Election Inspector (BEI) atol sa pagpahigayon sa piniliay niadtong Lunes, Mayo 9, tungod wa niya tuyo-a nga mahanaw ang datos sa mga balota nga anaa sa compact flash (CF) card.
Gitugutan sa COMELEC-Davao City Board of Canvassers (BOC), nag gipanguluhan sa labaw niini nga si Sitti Shahane Balt, ang petisyon sa BEI sa Clustered Precinct 249 gikan sa Barangay 76-A Bucana alang sa subling pag-ihap sa mga balota Martes sa gabii evening, Mayo 10, pasado alas 9 sa gabii.
Gi-unseal ang ballot box sa presensya sa BOC ug nagsugod gilayon ang manual refeeding sa mga balota ngadto sa Vote Counting Machine (VCM).
Gikaingon ni Balt nga kinatibuk-ang 560 ka balota ang gi-refeed tungod sa nare-zero nga CF card.
Matud ni COMELEC-XI Assistant Regional Director Atty. Gay Enumerables, bisan dili mabasol ang magtutudlo sa pagkahanaw sa datos tungod sa kakapoy, gipasiugda niini nga dili kini usa ka balidong rason gumikan kay gipailalom sila sa trainings ug seminars ayha ang adlaw sa piniliay.
Mipasalig si Enumerables nga ang backup sa nahanaw nga datos ang gigamit sa manual transmission sa mga boto.
Mibalibad si Balt sa paghisgot sa posibleng silot nga kaatubangon sa BEI, apan si Enumerables miingon nga ang maong magtutudlo posibleng dili tugutan nga magsilbi sa 2025 Midterm Elections.
Naproklama na sa COMELEC-Davao City BOC ang mga midaog sa local elections kagahapon human nga nakumpleto na sa tanang 1,411 clustered precincts sa dakbayan ang ilang transmission sa election returns.