By Jim Lloyd Dongiapon
Nakatakdang magpahigayon ang Bangsamoro Darul-Ifta’ og moon-sighting activities sa mga dapit sulod og gawas sa rehiyon sa Bangsamoro agig pagpangandam sa sagradong bulan sa Ramadan.
Subay sa gihimong anunsyo sa Darul-Ifta’ niadtong Marso 9, ipahigayon ang moon-sighting sa mga mosunod nga lugar:
- Barangay Polloc, Parang, Maguindanao del Norte;
- Tantawan Park, Pedro Colina Hill, Cotabato City;
- Timako Hills, Barangay Kalanganan II, Cotabato City;
- Barangay Tapian, Datu Odin Sinsuat, Maguindanao del Norte;
- Iligan Bay, Iligan City, Lanao del Norte;
- Sunkist Seaside, Barangay Pahut, Bongao, Tawi-Tawi;
- Pantalan, Jolo, Sulu; and,
- Isabela City, Basilan
Human sa moon-sighting activities, opisyal na i-anunsyo ni Deputy Mufti Abdulrauf Guialani, ang resulta niini.
Kung masiplatan ang arkong bulan (Al-Hilal) karong gabiona, magsugod na ang Ramadan ugma, Marso 22, o sa Huwebes, Marso 23.
Ang Ramadan gina-obserbar sa tanang mga Muslim sa kalibutan pinaagi sa pagpuasa (sawm), pag-ampo, pagpamalandong, ug pagsalmot sa mga katilingbanong aktibidad.
Ginahandum sa mga Muslim ang unang rebelasyon sa Qur’an ngadto kang Propheta Muhammad, nga nahitabi niadtong AD 610 kanus-a si anghel Jibreel (Gabriel) mibisita sa propeta sa islam Islam ug gitugyan kaniya ang mga unang bersikulo niini.
Matapos ang Ramadan pinaagi sa Eid al-Fitr, usa ka kapistahan nga nagahandum sa paghuman sa usa ka bulang puasa.
Laing moon-sighting activity sab ang nakatakdang ipahigayon aron matino ang petsa sa Eid al-Fitr.
Gilaumang matunong kini karong Abril 21 o 22 karong tuiga ug ideklara kining usa ka regular non-working holiday dinhi sa Pilipinas.