By: April Therese Tan
Ang balaodnon nga” COVID-19 Benefits and Allowances for Health Workers Act 2021”, nakakuha og suporta sa mga health sector sa Cebu.
Ang maong balaodnon maghatag kini og benepisyo ug alawans ngadto sa mga health care ug non-healthcare nga trabahante sa pribado ug pangpubliko nga sektor nga nag serbisyo nga may kalabutan sa COVID-19 pandemic.
Ang IATF-Visayas, Department of Health- Central Visayas; Vicente Sotto Memorial Medical Center, Cebu Provincial Health Office, Cebu Provincial Hospitals ug ang City Health Offices sa siyudad sa Cebu, Mandaue, ug Lapu-Lapu mipadayag og suporta sa maong balaodnon sa bag-o lang nga gipahigayon nga consultative conference.
Ang maong balaodnon gi-endorso na ngadto sa opisina ni Duterte aron mapirmahan na ug mahingpit na kini nga mahimong usa ka balaod.
Ubos sa maong balaodnon, ang mga healthcare nga mga empleyado nga mohatag og serbiyo sa low risk nga lugar nga gibutang ubos sa state of a public health emergency, makadawat kini og P3,000 matag buwan; P6,000 matag buwan sa lugar nga medium risk; ug P9,000 matag buwa. Sa lugar nga high risk.
“This measure applies not only during the COVID-19 pandemic as declared by the President but also to any similar health emergencies on a national scale,” matud pa Office of the Presidential Assistant for the Visayas sa ilang press statement. (April Therese Tan)