Ang Cebu City Emeegency Operations Center na alarma sa pagtaas sa kantidad o presyo nga gipahamtang sa mga namaligya og tambal batok COVID-19.
Si Cebu City Councilor ug Cebu City EOC chief implementer Joel Garganera nagkanayon nga magpatabang usab sila sa National Bureau of Investigation ug sa Criminal Investigation and Detection Group aron tabangan sila nga matudlo kinsang ning namaliga nga nagpahimulos sa sitwasyon.
Matud pa ni Garganera nga ilang na obserbahan nga ang presyo sa mga tambal alang sa COVID-19 sama sa Favipiravir, Remdesivir ug Tocolizumab nisulbong na kini og maayo.
Nagkanayon si Garganera nga samtang nagkadaghan ang kaso sa COVID-19 sa siyudad, ang nagkinahanglan sa maong mga medisina nagkadaghan usab.
Dugang pa ni Garganera nga adunay pa gyud isyu sa pagtipig nga maoy hinungdan nga nagnihit na hinoon ang suplay ug pag-apod-apod sa maong mga tambal.
“We see that is a need to regulate the sale and price of these medications so as to provide our COVID-19 patients a fighting chance for survival,” matud pa Garganera.
Tungod niini, ang Cebu City EOC nangayo og tabang sa Office of the Presidential Assistant for the Visayas, Department of Trade and Industry, Department of Health ug Food and Drugs Administration aron sa pag-abag sa maghimo og pormula aron sa pagkontrolar sa presyo ug suplay sa maong mga tambal.