Ang Land Transportation Office-7 Malasakit Driving Education Center ug Malasakit DEC Bus nakahatag na og 4,457 iskolarship nga nagkantidad og P15 milyones, usa ka tuig human kini gilusad adtong Oktubre 2020.
Kini ang kalambuan human nanghatag na usab ang LTO-7 og TDC iskolarship sa mga kapitan nga naa sa bukirang barangay sa Cebu City.
Ang maong iskolarship ihatag kini ngadto sa ilang nga ginsakupan nga buot mokuha sa maong iskolarship.
“We gave TDCs to the upland barangays that participated in the meeting with LTO, where the need for proper licensing and registration was discussed as key issues,” matud pa ni LTO-7 regional director Victor Caindec.
Matud pa ni Caindec nga wala lang dili basta-basta gitunol ang iskolarship apan ang mga kapitan gitahasan sa pag screen sa mga partisipante ug sa pag organisado sa lugar.
“It was a collaboration between local grassroots leaders and LTO as a national government agency bringing its services to the people,” nagkanayon si Caindec.
Ubos sa LTO Memorandum 2019-2176 ang tanang aplikante sa student permit dapat mopaubos og 15 ka oras nga TDC.
Ang mga residente gikan sa Barangay Sudlon 1 maoy pirmirong nakapahimulos sa libreng 15 ka oras nga driving course.
Gawas sa Sudlon I, nakadawat usab sa ilang TDC iskolarship ang mga kapitan sa barangay Agsungot, Busay, Babag, Bonbon, Sinsin, Sirao, Pamutan, Tabunan, Pung-ol Sibugay, Taptap, ug Toong.
Nagkanayon si Caindec nga sukad nalusad ang Serbisyong Malasakit sa rehiyon, kini mao nag pirmerong higayon nga gidala sa maong agensiya kadtong sa katawhan sa bukirang barangay.
“We brought to the highland barangay, our LTO Malasakit Bus to also cater for license and registration renewals, where normally they have to avail of this service in the Metro areas,” matud pa ni Caindec.
Dugang pa ni Caindec nga adunay pay onse ka laing bukirang barangay sa Cebu City ang sunod na makatagamtam sa ilang Serbisyong Malasakit program. (By: April Therese Tan)