Gilusad karong adlawa ang “Walk for Hope” sa mga supporters ni Mayor Isko Moreno sa Cebu diin sobra 600 ka mga volunteers ang nisalmot nga gilangkuban sa Isulong Ang Serbisyo Katawhang Organisado (ISKO), usa ka affiliate sa President ISKO Movement Isulong Kapakanan ng Pilipino or PRIMO-ISKO, Isko Moreno (IM), YORME ng Pilipinas ug ISKO Ta Bai.
“We believe in his competence, style of leadership, and efficient service. He is the only candidate who can relate to the plight of the poor, being once a kargador and basurero,” matud pa ni kanhi former urban poor commissioner Edward Ligas.
Si Ligas, kinsa ang lead convenor sa maong organsasyon nagkanayon nga ang multi-sektoral nga alyansa motuyok sa tibuok Cebu ug Visayas aron sa pagkonsulta sa mga multi sektoral stakeholders aron sa paghulma sa ilang mga paglantaw alang sa bag-ong Sugbo diin malakip ang tanan labi na ang mga kabus.
“What matters most is people, with the people and Isko, together, there is hope for the country,” matud pa ni Ligas.
Ang “Walk for Hope” nahitabo ganiha sa pirmirong taytayan sa Mandaue-Mactan Bridge nga gipahigayon sa mga volunteer og inubanan ni national chairman Nato Agbayani ug uban pang parallel nga organisasyon. (By: April Therese Tan)