By: April Therese Tan
Gikunpirmar sa Mactan Cebu International Airport nga pag 11:11 sa gabie, Dominggo, Oktubre 23, 2022, ang Korean Air flight no. KE631 nga gikan sa Seoul, South Korea nilapas sa runway sa maong airport sa pag landing niini gumikan sa kusog nga uwan.
“No one was hurt during the incident. All 162 passengers and 11 crew onboard the A330 aircraft were immediately evacuated and tended to by airport emergency personnel,” matud pa sa MCIA sa ilang giluwatan nga mensahe karong adlawa.
Matud nga ang maong insidente nagkinahanglan nga temporaryong gisirad-an ang maong runway aron sa luwas nga pagkuha sa maong eroplano.
Sa pagkakaron, ang tanang international ug domestic flights nga gikan o moadto sa MCIA gi kansel una hangtud adunay bag-ong notisya kabahin niini.