By Jim Lloyd Dongiapon
––
Gi-anunsyo ni Davao City Mayor Sebastian “Baste” Duterte nga magpagula siya og usa ka Executive Order (EO) alang sa mas istriktong pagpatuman sa city-wide liquor ban human nga napatay sa usa ka insidente sa pagpamusil ang usa ka 21-anyos nga estudyante sa usa ka bar nga nahimutang sa Esquena de Tavera corner V. Mapa and J. Camus Extension, Barangay 9-A Poblacion, Davao City pasado 12:50 AM niadtong Sabado, Hulyo 2.
Sa pagkakaron, nanawagan ang lokal nga panggamhanan ngadto sa lokal nga pulisya nga pakusgan pa ang ilang monitoring sa tanang bar establishments samtang ilang ginatun-an ang mga posibleng amyendahan sa kasamtangang ordinansa sa liquor ban.
Nagbahad usab si Duterte nga iyang pangbakwi-on ang mga business permit sa mga establisamentong nagabaligya og ilimnong makahubog kung dili sila mutuman sa nasangpit nga ordinansa.
Gibuhat ang maong pahayag human sa insidente sa pagpamusil niadtong kaadlawon sa Sabado, dihang gipusil si Amir Polanon Mangacop, edad 21, lumulupyo sa Phase 5, El Rio Subdivision, Bacaca, Brgy. 19-B, Davao City, kinsa naggikan sa Cotabato City sa usa ka doktor ug non-unifored personnel sa Police Regional Office (PRO) – Davao nga giilang si Marvin Rey Andrew Roflo Pepino, 31 anyos, residente Phase 1, Block 4, Sapphire Street, Hillside, Bajada, Davao City.
Subay sa inisyal nga imbestigasyon, miresponde ang mga sakop sa San Pedro Police Station sa usa ka bar nga nahimutang sa Esquena de Tavera aron unta pahupayon ang kaguliyang nga nahitabo didto tali sa grupo ni Mangacop ug grupo ni Pepino, nga gituohang puros lango sa ilimnong makahubog.
Si Police Corporal (PCpl.) Ropel Gersalino, kinsa misulay nga pakalmahon ang duha ka habig aron malikayan ang dugang kagubot, ang mi-alegar nga “mas labaw ang kusog” sa grupo ni Mangacop bisan dili kini armado.
Dugang pa niini, miangkon si Gersalino nga wala nanumbaling kanila ang grupo ni Mangacop ug gi-atake nila si Pepino, kinsa daling mihulbot sa iyang .9mm Glock 43 nga pistola aron daw depensahan ang iyang kaugalingong ug gipusil sa makapilang higayon si Mangacop.
Gidala pa si Mangacop sa Davao Doctors Hospital, apan gidekalara na kining dead on arrival at alas 1:28 sa kaadlawon.
Nakuha sa gipanghitabuan sa krimen ang baril ni Pepino, magazine, ug unom (6) ka basyo sa bala.
Matud ni San Pedro PS Chief Police Major (PMaj.) Benkalin Baluan sa pakighinabi niya sa usa ka local radio station, miangkon daw si Pepino nga gituklod kuno siya sa pader sa tulo ka lalaki gikan sa grupo ni Mangacop, ug wala na siya’y laing mabuhat kung dili ang panalipdan ang iyang kaugalingon sanglit dehado siya sa ihap pa lang.
Sa pikas bahin, wala pa’y komento sa kung unsa gayud ang nahitabo sulod sa bar ang grupo ni Mangacop.
Anaa karon sa kustodiya sa Davao City Police Office (DCPO) si Pepino alang sa pagduso ug kaso batok kaniya.
Samtang, mipasalig ang DCPO nga dili sila mutabon ang PRO-Davao kang Pepino ug misaad sila nga mohimo sila og patas ug wala’y pihig nga imbestigasyon sa maong krimen.
Misulay ang mga sakop sa media nga kuhaon ang bahin mismo ni Pepino sa maong issue, apan sumala ni PMaj. Maria Teresita Gaspan sa DCPO nga wala gitugutan sa San Pedro Police Station si Pepino nga muatubang siya sa media “alang sa seguridad” niini.
Mas istriktong liquor ban, ipatuman human ang insidente sa pagpamusil sa usa ka bar sa Davao City
By Jim Lloyd Dongiapon
––
Gi-anunsyo ni Davao City Mayor Sebastian “Baste” Duterte nga magpagula siya og usa ka Executive Order (EO) alang sa mas istriktong pagpatuman sa city-wide liquor ban human nga napatay sa usa ka insidente sa pagpamusil ang usa ka 21-anyos nga estudyante sa usa ka bar nga nahimutang sa Esquena de Tavera corner V. Mapa and J. Camus Extension, Barangay 9-A Poblacion, Davao City pasado 12:50 AM niadtong Sabado, Hulyo 2.
Sa pagkakaron, nanawagan ang lokal nga panggamhanan ngadto sa lokal nga pulisya nga pakusgan pa ang ilang monitoring sa tanang bar establishments samtang ilang ginatun-an ang mga posibleng amyendahan sa kasamtangang ordinansa sa liquor ban.
Nagbahad usab si Duterte nga iyang pangbakwi-on ang mga business permit sa mga establisamentong nagabaligya og ilimnong makahubog kung dili sila mutuman sa nasangpit nga ordinansa.
Gibuhat ang maong pahayag human sa insidente sa pagpamusil niadtong kaadlawon sa Sabado, dihang gipusil si Amir Polanon Mangacop, edad 21, lumulupyo sa Phase 5, El Rio Subdivision, Bacaca, Brgy. 19-B, Davao City, kinsa naggikan sa Cotabato City sa usa ka doktor ug non-unifored personnel sa Police Regional Office (PRO) – Davao nga giilang si Marvin Rey Andrew Roflo Pepino, 31 anyos, residente Phase 1, Block 4, Sapphire Street, Hillside, Bajada, Davao City.
Subay sa inisyal nga imbestigasyon, miresponde ang mga sakop sa San Pedro Police Station sa usa ka bar nga nahimutang sa Esquena de Tavera aron unta pahupayon ang kaguliyang nga nahitabo didto tali sa grupo ni Mangacop ug grupo ni Pepino, nga gituohang puros lango sa ilimnong makahubog.
Si Police Corporal (PCpl.) Ropel Gersalino, kinsa misulay nga pakalmahon ang duha ka habig aron malikayan ang dugang kagubot, ang mi-alegar nga “mas labaw ang kusog” sa grupo ni Mangacop bisan dili kini armado.
Dugang pa niini, miangkon si Gersalino nga wala nanumbaling kanila ang grupo ni Mangacop ug gi-atake nila si Pepino, kinsa daling mihulbot sa iyang .9mm Glock 43 nga pistola aron daw depensahan ang iyang kaugalingong ug gipusil sa makapilang higayon si Mangacop.
Gidala pa si Mangacop sa Davao Doctors Hospital, apan gidekalara na kining dead on arrival at alas 1:28 sa kaadlawon.
Nakuha sa gipanghitabuan sa krimen ang baril ni Pepino, magazine, ug unom (6) ka basyo sa bala.
Matud ni San Pedro PS Chief Police Major (PMaj.) Benkalin Baluan sa pakighinabi niya sa usa ka local radio station, miangkon daw si Pepino nga gituklod kuno siya sa pader sa tulo ka lalaki gikan sa grupo ni Mangacop, ug wala na siya’y laing mabuhat kung dili ang panalipdan ang iyang kaugalingon sanglit dehado siya sa ihap pa lang.
Sa pikas bahin, wala pa’y komento sa kung unsa gayud ang nahitabo sulod sa bar ang grupo ni Mangacop.
Anaa karon sa kustodiya sa Davao City Police Office (DCPO) si Pepino alang sa pagduso ug kaso batok kaniya.
Samtang, mipasalig ang DCPO nga dili sila mutabon ang PRO-Davao kang Pepino ug misaad sila nga mohimo sila og patas ug wala’y pihig nga imbestigasyon sa maong krimen.
Misulay ang mga sakop sa media nga kuhaon ang bahin mismo ni Pepino sa maong issue, apan sumala ni PMaj. Maria Teresita Gaspan sa DCPO nga wala gitugutan sa San Pedro Police Station si Pepino nga muatubang siya sa media “alang sa seguridad” niini.