Gi-kunpirmar ni Davao City Mayor Sara Duterte pinaagi sa iyang Facebook account nga nagkita sila ni presidentiable Ferdinand “Bongbong” Marcos Jr. sa Cebu karong adlawa, Oktubre 23, 2021.
“Confirmed po na nagkita kami ngayon lang ni Presidential aspirant at former Senator BBM sa masayang pagdiriwang ng birthday ni Cong. Yedda, maybahay ni House Majority Leader Martin Romualdez sa Cebu,” matud pa ni Duterte sa iyang Facebook post.
Si Tingog Partylist Representative Yedda Marie Mendoza Romualdez apo sa kanhi trade union lider Democrito Mendoza, kinsa mao usab ang founder sa Associated Labor Unions-Trade Union Congress of the Philippines. Si Yedda usab pag umangkon ni TUCP Partylist Representative Raymond Democrito Mendoza.
Gikumpirmar usab ni Duterte nga nakigkita siya ni Cebu City Acting Mayor ug kandidato pagka mayor Michael Rama.
“Maayong buntag! Early meeting po at kumustahan with Cebu City Vice Mayor Mike Rama! Nakausap din natin si Atty. Bruce Rivera. Daghang salamat po sa suporta,” dugang pa ni Duterte sa iyang Facebook post karong adlawa, Oktubre 23, 2021.
Gawas ni Rama, nakigtagbo usab si Duterte ni Cebu City Councilor Raymond Garcia, kinsa buot modagan pagka bise mayor sa umaabot 2022 nga piniliay.
Si Duterte naabot sa Cebu kagahapong adlawa, Oktubre 22, 2021 og gisugat siya sa iyang pag umangkon nga si Cebu Fifth District Board Member Red Duterte.
(By: April Therese Tan)