By: April Therese Tan
Si Senadora Grace Poe nanghatag og food aid ngadto sa 2,200 ka pamilyang Cebuanos sa siyudad sa Cebu ug Talisay nga biktima sa bagyong Odette, nga nagbilin og dakong kadaot sa dihang mikuso-kuso kini sa maong lugar ug uban pang kasilinganan nga probinsiya pag Disyembre 16, 2021.
Si Poe, pinaagi sa FPJ Panday Bayanihan ug pinaagi sa tabang ni Cebu City Konsehal Franklyn Ong, nag apod-apod sa mga pagkaon ngadto sa 800 ka pamilya didto sa Barangay Budlaan relocation site.
Sa maong adlaw, Ang FPJ team nanghatag usab og food packs ngadto sa 1,400 ka pamilya didto sa Barangay Jaclupan, Talisay City, ug nanghatag si Talisay City Mayor Gerald Anthony “Samsam” Gullas og food assistance ngadto sa 200 ka pamilya.
“We know, and we humbly admit it, that this could not be enough or adequate. But, somehow, the victims would have simple meals for a day or two before sleeping at night,” matud pa ni Poe sa iyang press statement.
Nagpasalamat usab ang senadora ngadto sa FPJ Panday Bayanihan sa pag boluntaryo nga pagdala sa mga relief goods nga gikangkuban og bugas, canned goods, instant noodles, kape ug tubig mainom ngadto sa mga benepisyaryo
“Iyan naman talaga tayong mga Pinoy, nagtutulungan. Hindi hadlang kung nasa dulo ka man ng Pilipinas o iba man ang salita mo, basta kailangan mo ng tulong, anuman ang mangyari, darating at darating ang kapwa mo Pilipino na tutulong sa ‘yo,” dugang pa ni Poe.
Ang FPJ Panday Bayanihan usa kini ka non-profit, non-government nga grupo nga gitukod isip pasidungog ni kanhi Fernando Poe, Jr., ang papa sa senadora nga naila isip King of Philippine action movies.-(April Therese Tan)