By: Margaret Padilla
––
Ang Karding (Noru), ang ika-11 tropical cyclone na tumama sa Pilipinas, ay humagupit sa Gitnang Luzon kagabi na may malakas na hangin at malakas na ulan. Ang Northern Luzon at Southern Luzon ay tinamaan din at nasalanta.
Ang pinakamatinding bagyong tumama sa bansa ngayong taon ay nag-landfall sa dalawang lokasyon: sa baybayin ng Burdeos, Quezon province, noong hapon bilang super typhoon, at sa Dingalan, Aurora, sa gabi bilang bagyo.
Ayon sa balita ng Rappler, pagkatapos ay unti unti itong humupa habang humahampas ito sa Luzon sa magdamag at habang lumilipat ito sa Nueva Ecija, Tarlac, at Zambales, kaya napilitan ang libu-libong tao na magsilikas sa mga emergency shelter.
Kaninang umaga, ito ay namataan na sa may baybayin ng Zambales.
Nang paalis na ang bagyong Karding sa hilagang Pilipinas, nagiwan ito ng limang rescuer na binawian ng buhay habang nagliligtas, binaha ang iba’t ibang lugar tulad ng Bulacan at Nueva Ecija, nagdulot ng kakulangan sa kuryente, at inatasan ang gobyerno na gumawa ng mga emergency na hakbang tulad ng pagsususpinde ng mga klase at trabaho sa gobyerno.
Sa lalawigan ng Bulacan, kung saan maraming lugar ang nalubog sa baha, iniulat ni Gobernador Daniel Fernando na limang rescuer ang nasawi habang sinusubukang iligtas ang buhay ng mga kababayan. Nadurog sila ng gumuhong pader at tinangay ng rumaragasang baha. Nagdesisyon silang gumamit ng bangka para iligtas ang mga na-trap sa tubig-baha nang ma-stranded ang kanilang trak.
Mahigit 17,000 katao ang inilipat sa mga emergency shelter sa Quezon City lamang mula sa mga komunidad na may mataas na panganib ng tidal surge, pagbaha, at pagguho ng lupa.
Sinabi ng National Disaster Risk Reduction and Management Council (NDRRMC) na sa ngayon ay tinatayang aabot sa P1 milyon ang pinsala sa imprastraktura sa Mimaropa.
Iniulat ng NDRRMC nitong Lunes na naapektuhan ni Karding ang 643 katao, o 164 na pamilya, sa 28 barangay sa mga lalawigan ng Pilipinas ng Cagayan, Mimaropa, Bicol, Western Visayas, at Cordillera.
Gayundin, ayon sa Meralco, mahigit 1 milyong customer ang nakaranas ng intermittent power disruptions mula noong Linggo, Setyembre 25, kung saan ang Bulacan, Rizal, at Marikina ang nangunguna sa karamihan ng mga pagkawala.
Samantala, sinasabi rin ng NDRRM na dalawang highway sa Bicol ang hindi madaanan.
Matapos tumama ang Bagyong Karding sa rehiyon, ang mga manggagawa mula sa Metropolitan Manila Development Authority ay namulot ng mga basura na naanod sa Manila Bay, ayon sa Rappler. (Photo: Panukulan, Quezon LGU)