By Jim Lloyd Dongiapon
––
Gikumpiurma sa City Government of Zamboanga ang pagbalik sa Zamboanga Kite Festival, nga ulahing gipahigayon niadtong tuig 2015, isip kabahin sa ilang aktibidades sa “Summer Na Zamboanga 2022.”
Ipahigayon kini karong Dominggo, Hunyo 19, alas 3:00 sa hapon, sa Paseo del Mar sa Dakbayan sa Zamboanga.
Abli ang kompetisyon alang sa Young/Teen (13 hangtod 17 anyos) ug Adult (18 anyos ug pataas) age groups, ug dunay duha ka kategorya—Traditional/Flat Kite o kadtong mga tabanog nga two-dimensional ug mamahimong mugnaon sa bisan unsang porma; ug Figure Kite kon kadtong three-dimensional nga dunay tema ug dunay realistikong porma.
Duna usab naghulat nga premyo alang sa tulo ka major winner matag age group ug matag kite category.
Ipanghatag usab ang mga special award sama sa Most Colorful Kite, Most Creative Kite, ug Biggest Flying Kite.
Hukman sa board of judges ang mga tabanog subay sa mga mosunod nga sumbanan—Design(Artistry, Uniqueness), Ease of flight/take-off, ug Gracefulness.
Ang mga interesadong partisipante mamahimong motan-aw ug mo-download sa guidelines ug application form pinaagi sa Google Docs link nga gihatag sa City Government of Zamboanga: https://bit.ly/3xbhTD0